Lidhja Rajonale e Futbollit e Gjilanit (LRFGJ) nëpërmjet një komunikate të lëshuar të mërkurën thotë se Malazog Hoxha dhe Mirsad Sylejmani janë delegat legjitim.
Sipas njoftimit të LRFGJ-së, Hoxha dhe Sylejmani nuk kanë pranuar ftesa dhe materiale nga FFK-ja për Kuvendin e Jashtëzakonshëm, që mbahet të premten. Dhe se të dy delegatëve u duhet të dërgohet ftesa, dhe do të jenë prezent të premten kur edhe do të mbahet Kuvendi i Jashtëzkonshëm i FFK-së.
“Lidhja Rajonale e Futbollit e Gjilanit (LRFGJ) me datë 18.01.2023 ka kërkuar nga Federata e Futbollit e Kosovës (FFK) se me datë 17.01.2023 dy delegatë nga LRFGJ nuk i kanë pranuar ftesat dhe materialet për kuvendin e datës 27.01.2023. Deri sot, as LRFGJ dhe as delegatët në fjalë, nuk kanë pranuar ndonje email nga FFK dhe nuk i janë sjell as ftesat dhe as materialet e kuvendit. LRFGJ përmes kësaj komunikate, njofton FFK-në dhe gjithë opinionin se delegatët z.Malazog Hoxha – Delegat dhe Kryetar i LRFGJ-së dhe Mirsad Sylejmani – Delegat i FC VITIA, si përfaqësues i vetëm nga liga e dytë, do të jenë prezent si delegat legjitim në kuvendin e thirrur nga FFK-ja”, shkruan në komunikatë që është e bashkangjitur edhe një letër drejtuar të gjithë anëtarëve të Komitetit Ekzekutiv (KE) dhe koordinatorit të lidhjeve rajonale, Ismajl Ajetit.
Federatës së Futbollit të Kosovës i është kërkuar nga Ministria e Kulturës, Rinisë dhe Sportit të bëjë ndryshime në statut, për të përmbushur një prej kritereve për t’u pajisur me licencë. Dhe për këtë arsye, është thirrur Kuvendi i Jashtëzakonshëm i Punës, që po kundërshtohet nga disa klube
