Sipas Ministrisë së Drejtësisë, qëllim i këtij koncept-dokumenti është rregullimi i fushës së trajnimeve të gjyqtarëve dhe prokurorëve dhe forcimit i rolit të Akademisë së Drejtësisë.
MD-ja thotë se dokumenti i ri parasheh që gjyqtarët dhe prokurorët nuk do të kompensohen për kohen e shpenzuar në dhënie të trajnimit, por vetëm për përgatitje te moduleve mbi bazën e së cilave e ofron trajnimin.
“Koncept-dokumenti propozon ndryshime ligjore sa i përket organeve drejtuese të Akademisë, mënyrës së funksionimit të tyre si dhe trajnimeve të cilat zhvillohen duke specifikuar edhe rastet e papajtueshmërive siç janë rastet kur anëtarët e Këshillit Drejtues nuk do të mund të angazhohen si trajnues në Akademi. Për më tepër, gjyqtarët dhe prokurorët nuk do të kompensohen për kohen e shpenzuar në dhënie të trajnimit, por vetëm për përgatitje te moduleve mbi bazën e së cilave e ofron trajnimin”.
“Në ekspozenë e tij, zëvendësministri Sallahu tha se ndryshimet e reja në Ligj për Akademinë e Drejtësisë, do të ri-afirmojnë pavarësinë institucionale dhe juridike të saj, integriteti i së cilës do të sjellë gjyqtarë dhe prokurorë dinjitoz, të aftë profesionalisht, dhe të gatshëm për të vendosur drejtësi duke përmirësuar kështu sundimin e ligjit në Kosovë”, njoftohet tutje përmes një postimi në Facebook.
