AP ka raportuar se Qeveria është mbështetur nga deputetët nga 10 partitë politike të cilat lanë anash diferencat ideologjike për të formuar një koalicion.
Sipas Kushtetutës boshnjake, koalicioni i mandatuar përfshin përfaqësuesit e vendit nga tri grupet kryesore etnike-boshnjake, kroatë dhe serbë.
Nëntë ministrat u propozuan nga kryeministrja Borjana Kristo, kroate.
Bashkimi Evropian dhjetorin e vitit të kaluar vendosi që ta shtojë Bosnjën në listën e kandidatëve zyrtarë për t’iu bashkuar bllokut prej 27 shtetesh pavarësisht kritikave të vazhdueshme për mënyrën se si drejtohet shteti. Qeveria e Kristos do të duhet të adoptojë dhe implementojë një varg reformash politike, sociale dhe ekonomike si pjesë e procesit të pranimit.
Për herë të parë në mbi një dekadë, shumica qeveritare ka përjashtuar partinë nacionaliste boshnjake SDA. Sërish përfshinë partitë nacionaliste kroate dhe serbe, HDZ-në e Kristos dhe SNSD-në, e cila drejtohet nga politikani serb pro-rus, Milorad Dodik.
