Andaj, Avdia vlerësoi se në qoftë se kjo do realizohet, do jetë humbje për Kosovën dhe fitore për Serbinë.
“Ky është fillimi i një kulmi të presionit diplomatik, i cili erdhi që në javën e shkuar ku në Prishtinë kishin ardhur emisarët e dialogut, duke përfshirë këtu diplomatët e Bashkimit Evropian dhe Shteteve të Bashkuara të Amerikës. Ata kanë thënë se duhet të fillojë përgatitja e një programi për themelimin e asociacionit. Por, ky është fillimi i një procesi i cili pritet të jetë dinamik dhe me presion të lartë. Vuçiq ka tentuar që marrëveshjen për asociacionin ta ketë në tryezën e bisedimeve para firmosje së dokumentit franko-gjerman. Në qoftë se kjo realizohet do të jetë një humbje për Kosovën dhe një fitore për Serbinë”, deklaroi Avdia në emisionin “Info Nata” në Tëvë1.
Derisa shtoi se në takimet që janë zhvilluar me negociatorët për dialogut, gjatë tërë kohës ka pasur qëndrime të ndryshme.
“Qëndrim ka pasur institucionet dhe Qeveria, qëndrim tjetër ka pasur opozita, derisa qëndrim tjetër ka pasur edhe shoqëria civile”, tha tutje Avdia.
Ndërkaq, Drejtori i zyrës për Kosovën në Qeverinë e Serbisë, Marko Gjuriq, në një takim me përfaqësuesit e serbëve nga Kosova, ka thënë se në takimin e delegacionit të Beogradit në bisedimet me Prishtinën në javën e ardhshme, do të arrihet marrëveshja për themelimin e Asociacionit të Komunave Serbe./teve1.info/.
