Siç thuhet në një njoftim, Borrell vlerësoi paraqitjen e mbrëmshme publike të Vuçiqit, në të cilin ai tha se Serbia do të përballet me masa të ashpra nëse nuk e pranon planin franko-gjerman.
“Për dialogun Beograd-Prishtinë të lehtësuar nga BE-ja, Përfaqësuesi i Lartë Borrell përsëriti nevojën për të kapërcyer menaxhimin e përhershëm të krizës dhe për këtë arsye pret angazhim konstruktiv në propozimin e fundit të BE-së për normalizimin e marrëdhënieve. Ai e ka vlerësuar pozitivisht ndërhyrjen publike të Presidentit Vuçiq dje për këtë çështje. Përfaqësuesi i Lartë më tej nënvizoi rëndësinë që të dyja palët të zbatojnë plotësisht të gjitha obligimet e Dialogut në pritje, duke përfshirë themelimin e Asociacionit/Komunitetit të komunave me shumicë serbe”, thuhet në komunikatën e Shërbimit të Jashtëm të BE-së.
Teksa po ashtu kërkoi që Serbia të jetë në linjë me BE-në sa i përket qëndrimit rreth agresionit të paprovokuar të Rusisë në Ukrainë.
