Sulmuesi anglez, Harry Kane është i hapur për të nënshkruar një kontratë të re me klubin e tij Tottenham, sipas The Athletic
Kapiteni i Anglisë aktualisht ka një marrëveshje me Spurs deri në verën e vitit 2024, por Kane thuhet se do të hyjë në bisedime me klubin pas afatit kalimtar të janarit.
Raporti shton se prioriteti i Kane është të qëndrojë dhe të ketë sukses me Spurs.
Mes thashethemeve të Manchester United, Gary Neville sugjeroi se: “Kane do të ishte një nënshkrim i shkëlqyer, por largimi i tij nga Tottenham nuk do të jetë i lehtë”.
Ish-presidenti i Bayern Munichut, Uli Hoeness, ra dakord me Neville, duke treguar se gjigantët e Bundesligës nuk mund të përballonin çmimin e kërkuar prej 130 milionë funtesh të Tottenham për Harry Kane.
