Ish-lojtari i FC Barcelona, Dani Alves është arrestuar në Spanjë pasi kishte shkuar për të dëshmuar për sulm seksual të dyshuar ndaj një gruaje në klubin e natës Sutton më 30 dhjetor. Një nga vendet më në modë në zonën e sipërme të qytetit dhe që frekuentohet zakonisht nga futbollistë dhe të famshëm.
Ish-lojtari i Barçës, i cili luajti në Kupën e Botës së Katarit me Brazilin dhe aktualisht luan për Pumas de Mexico, kishte shkuar në komisariat herët këtë të premte dhe në mënyrë të papritur për të, u arrestua nga një makinë policie pak minuta pas orës 10:00. Patrulla e policisë e ka çuar në Ciutat de la Justicia në Barcelonë, ku do të shkojë në gjykatë dhe gjyqtari i gjykatës numër që po heton çështjen duhet të vendosë nëse do të urdhërojë burg apo lirim me akuza, përcjell GazetaBlic Sport.
Alves është marrë në pyetje nga Agjentët e Njësisë Qendrore të Sulmeve Seksuale ndaj grave. Në këtë rast, denoncuesja akuzon futbollistin se e ka prekur nën të brendshme pa pëlqimin e saj, kur ka qenë me disa miq, natën e datës 30 deri më 31 dhjetor, në një zonë VIP të këtij lokali të njohur të natës në Barcelona.
Pas këtij sulmi të supozuar, viktima dhe miqtë e saj kanë lajmëruar personelin e sigurisë lokale. Menjëherë ata aktivizuan protokollin përkatës në këto raste dhe njoftuan Mossos. Agjentët morën një deklaratë nga gruaja dhe dëshmitarët e tjerë, dhe më pas e dërguan atë në një qendër shëndetësore për një ekzaminim mjekësor.
Lojtari nuk ishte më në klubin e natës kur mbërriti policia dhe disa orë më vonë ai mori një avion për në Meksikë për t’u bashkuar m
