Selimi në një lidhje direkte në Tëvë1, tha se dëmet më të mëdha kanë qenë në tokat bujqësore dhe në infrastrukturë.
“Që nga ora 7 e mëngjesit e me ekipet tona emergjente kemi dal dhe e kemi verifikuar situatën aktuale që ka qenë në komunë tonë. Fillimisht në mëngjes nuk ka pasur shumë ujë, mirëpo për shkak se të reshurat kanë qenë të vazhdueshme e kemi pritur një situatë të tillë dhe i kemi identifikuar të gjitha vendet të cilat janë më të ndjeshme dhe tashmë i kemi të evidentuara dhe të skanuara ato vende ku mendojmë se mund të ketë të reshura. Dëmet më të mëdha kanë qenë në ato bujqësore, tokat janë shumë të dëmtuara. Fatmirësisht tani në këtë kohë nuk ka shumë të mbjellura dhe për këtë arsye ndoshta kemi shpëtuar më lehtë sa i përket bujqësisë përveç se në disa stalla dhe serra. Dëmet infrastrukturore janë të mëdha”, ka deklaruar ai.
Selimi thotë se deri më tani dy shtëpi janë evakuuar, ndërsa pritet që edhe një tjetër të evakuohet pasi gjendja është e keqe.
“Deri më tani që nga mëngjesi i kemi dy shtëpi të evokuara të cilat nuk kanë qenë të gatshme të banojnë më tutje në shtëpitë e tyre dhe po presim edhe një shtëpi që të bëhet evakuimi i saj sepse është gjendja e keqe. Në momentin që vlerësohet se ajo familje është e rrezikuar ne do ta bëjmë evakuimin e saj”, përfundoi ai. /Teve1.info/
