E si pasojë e kësaj, do të ketë reduktime të ujit në Fushë Kosovë së bashku me Zonën Industriale, lagja Kalabria, Obiliq, disa fshatra të Podujevës dhe në Drenas, raporton teve1.info
Kompania Rajonale e Ujësjellësit ka bërë të ditur se impianti i trajtimit të ujit në Shkabaj dhe Drenas, nuk kanë mundësi teknike të trajtojnë ujin për pije.
“Si pasojë e kësaj, Fushë Kosova së bashku me Zonën Industriale, lagjja Kalabria, Obiliqi do të ketë redukime të ujit duke filluar sot nga ora 10: 00 dhe do zgjasë deri në 16:00, pastaj ujë do të keni nga ora 16:00- 20:00, pastaj reduktim nga ora 20:00-04:00 të mëngjesit. Në pozitë më të rënduar e kemi komunën e Drenasit, por autobotët/ autocisternat do jenë aty për t’i furnizuar qytetarët me ujë”, thuhet në njoftim.
Tutje në njoftim thuhet se fshatrat e Podujevës do të reduktohen gjatë ditës rreth tri orë, ndërsa në Fushë Kosovë në kohën e reduktimit do të vendosen autobot për furnizim me ujë deri në tejkalimin e situatës.
“Një situatë e tillë vazhdon deri në përmirësimin e situatës me turbullirë në kanal”, thuhet më tej.
