Por, heshtja shpejt kaloi në seancën e parë të Kuvendit të Kosovës për këtë vit.
Pozitë e opozitë nisën përplasjet mes vete.
Për shefin e deputetëve të LDK-së Arben Gashin, Qeveria Kurti është qeveri e dështuar.
Për dallim nga ai, PDK po kërkon dorëheqjen e një ministreje.
“Për ne është e papranueshme që të vazhdojë të qëndrojë dhe të ushtrojë pozicionin e ministres një person që fsheh pasurinë. Dhe rrjedhimisht po ua përkujtoj se ministrja Hajdari është ministrja e parë në Kosovë që mban Qeveria Kurti që është në detyrë dhe nuk e ka deklaruar pasurinë”,tha Abelard Tahiri, shef i Grupit Parlamentar të PDK-së.
E Vetëvendosjen po e mbron shefja e deputetëve të kësaj partie Mimoza Kusari-Lila.
“ …Të mos e ndryshojmë agjendën me të cilën jemi ftuar, agjendën të cilën bashkërisht e kemi votuar në kryesi (të Kuvendit)”, tha ajo.
Ministrja Hajdari nuk po dëshiron të flas për kërkesën për dorëheqjen e saj.
“Do të siguroj vendosjen në treg të produkteve ekskulizivisht të sigurta dhe do të parandaloj prodhimin, importimin dhe vendosjen në treg të produkteve mashtruese dhe eksportimin e tyre”, tha Hajdari.
Në emër të ministres, po flet deputeti Adnan Rrustemi.
“Mos të përpiqet kryetari i grupit parlamentar të PDK një çështje krejtësisht teknike dhe madje ligjërisht edhe të ndryshuar nga ky Kuvend ta bëjë çështje politike sepse nuk qëndron”, tha ai.
Kur u hodh në votim projektligji për ndryshimin dhe plotësimin e Ligjit për Skemat Pensionale të Financuara nga Shteti nuk mori mbështetjen e deputetëve, prej 61 sa morën pjesë në votim 25 ishin për, 32 deputetë kundër dhe 4 abstenime.
Kjo ngjalli reagime dhe akuza të opozitarëve ndaj partisë në pushtet.
Kronika e gazetarit Arton Rama.
