KEDS-i ka bërë të ditur se ekipet kanë dalë në terren, ndërsa një pjesë e madhe e dëmeve janë sanuar.
Zonat më të prekura janë Gjakova e Prizreni, ndërsa sipas KEDS-it gjatë dites pritet që situatë e njëjtë do mund të jetë edhe në rajonin e Pejës, në Drenas, Skenderaj e në Prishtinë.
“Ekipet e KEDS-it janë në terren që nga mbrëmë. Derisa një pjesë e madhe e dëmeve janë sanuar, KEDS-i po shton numrin e punëtorëve në terren, sipas nevojës, në mënyrë që në një afat optimal të sanojë dëmet e shkaktuara si rrjedhojë e këtyre kushteve atmosferike, dhe që furnizimi me energji elektrike për të gjitha këto zona të prekura t’i kthehet normalitetit”, thuhet në njoftim.
