Ai duke ju referuar të dhënave të Bankës Qendrore të Kosovës, ka thënë se për periudhën janar- nëntor 2022, vlera e importit nga Serbia është më larta që nga viti 2019.
“Importet nga Serbia në Kosovë për periudhën kohore Janar – Nëntor të vitit 2022 janë 341.7 milionë euro dhe përbëjnë vlerën më të lartë të importeve nga Serbia që nga viti 2019. Trendi i rritjes së importeve nga Serbia nën Qeverisjen Kurti, është në përmasa të jashtëzakonshme dhe atë ngritja nga viti 2019 në vitin 2020 kur fillon kjo qeverisje, është +25.47%.Ngritja e importeve serbe nga viti 2020 në vitin 2021 është 82.30% apo +124.2 milion euro, ndërsa nga viti 2021 në vitin 2022 është 24.20% apo +66.6 milion euro. Në total ngritja e importeve serbe nën këtë qeverisje është 126.4% apo +190.8 milion euro, nëse krahasohet viti 2022 me vitin 2020 kur në pushtet vije Kryeministri aktual”, ka shkruar Shala në Facebook.
Ai poashtu ka paraqitur të dhëna sa i përket importit të Kosovës nga Shqipëria dhe nga Serbia për vitin 2020-2022.
Sipas tij, vlera e importit nga shteti serb për këto vite është më e lartë.
“Kosova nga Shqipëria ka importuar mallra në vlerë 642.6 milion euro (2020-2022), ndërsa ka importuar nga Serbia në Kosovë për të njëjtën periudhë mallra në vlerë 767.7 milionë euro.Pra nga shteti serb ka importuar 125.1 milionë euro më shumë mallra për këtë periudhë, sesa nga shteti amë Shqipëria”,ka shkruar Shala./teve1.info/
