Është përplot emocion sa herë që viziton objektin e shkollës së fshatit Semajë në Kaçanik.
Kjo pasi në këtë shkollë për 45 vjet shërbeu si mësues.
Hetem Hasani tashmë 75-vjeçar rrëfen për kushtet e vështira në të cilat është dashur të edukojë nxënësit në atë kohë.
Ish-mësuesi tregon se nxënësit e tij kanë arritur sukses edhe në sferën akademike, por edhe në jetën publike, teksa thotë se është krenar për këtë.
Ai shprehet i brengosur me gjendjen e tanishme të shkollës e cila u mbyll tash e dhjet vjet.
Hasani kujton me plot krenari edhe mirënjohjet që i janë dhënë në shenjë falënderimi për kontributin e tij edhe në kohën e okupimit serb.
Për shkak të infrastrukturës së dobët dhe kushteve të vështira të jetesës, nga fshati Semajë e Kaçanikut ka pasur edhe shpërngulje të mëdha.
Kronika e realizuar nga Lindrit Zejnullahu
