I arrestuar, 21-vjeçar nga Suhareka dyshohet se pas një mosmarrëveshje rreth pronës me familjen e tij, ka shtënë me armë zjarri afër shtëpisë së babait.
Po ashtu aktin e ka xhiruar, publikuar në platformën “Snapchat” dhe ia ka dërguar vëllezërve të tij.
Ai është ndaluar për 48 orë me vendim të organeve të rendit.
“Patrullat policore pasi që kanë dalë në vendngjarje, fillimisht e kanë gjetur një fishek në automjetin e të dyshuarit e më pas kanë arritur ta arrestojnë të dyshuarin si dhe e kanë gjetur armën e tipit Moris by AIAK Cal. 9 mm , me të cilën i njëjti dyshohet të ketë shtënë në ajër, po ashtu i kanë gjetur edhe tre fishekë të tjerë. Arma dhe katër fishekë të kalibrit 7.65 janë sekuestruar nga ana e krim teknikut”, thuhet në njoftimin e policisë.