Kurti ka thënë se Prokuroria Speciale ka lëshuar fletarreste ndërkombëtare për të dyshuarit që kanë marrë pjesë në Masakrën e Reçakut.
“Duke u thirrur në dëshmitë e kohës, në deklaratat e 63 dëshmitarëve të intervistuar dhe në provat e Tribunalit të Hagës, Prokuroria Speciale e Kosovës ka lëshuar fletarreste ndërkombëtare për 18 persona serb që dyshohen për pjesëmarrje në kryerjen e Masakrës së Reçakut”.
Tutje Kurti ka shtuar se mohues të kësaj masakre janë liderët më të lartë institucional të Serbisë
“Me datën 5 dhjetor 2019 presidenti aktual i Serbisë i cili atëbotë ishte ministër i informatave, vetëm para diç më shumë sesa 3 vjetëve ai ka deklaruar se masakra e Reçakut është fabrikim dhe falsifikim, kurse dy vjet më vonë, më 10 dhjetor 2021, në Ditën e të Drejtave Universale të Njeriut e përsërit atë që e tha Vuçiqi, ish-ministri i Brendshëm”
“Ata që e mohojnë gjenocidin ëndërrojnë përsëritjen e tij”, shtoi Kurti.