Këtë deklaratë Hyseni e bëri në emisionin “Këndi i Debatit” në Tëvë1 duke folur për qeverisjen e tij në Komunën e Gjilanit.
Sipas Hysenit, Kontrata për Shërbime të Veçanta nuk janë zgjidhje e mirë, por janë të domosdoshme në disa raste.
“Kontratat në vepër ose Kontratat për Shërbime të Veçanta, nga 105 sa i kemi pasur tash jemi në numër prej 36 dhe sot e kësaj dite nuk mendoj që janë zgjidhja më e mirë e mundshme, por janë të domosdoshme në situata të caktuara”, tha ai.
Tutje i pari i Gjilanit foli për procesin e punësimit përmes prokurimit, e që sipas tij me këtë procedurë nuk kanë mundur të blejnë shërbime për disa kategori të caktuara.
“Neve na ka dështuar një proces i blerjes së shërbimeve përmes kontraktimit në Prokurim për konsulencë, ka qenë problemi që neve na janë dashur edhe juristë edhe ekonomistë ndërkaq si profile nuk lejohen që të blihen si konsulencë për shkak se nuk janë profile efiqientë, që mungojë ose deficit…Kryetari i Komunës me Udhëzim Administrativ mund të marrë me vete dy asistentë, një shef kabineti dhe 12 drejtorë”, shtoi ai./Teve1.info/
