Sipas njoftimit, në këtë komunë janë evidentuar gjithsej 4165 raste gjithsej, ku prej tyre 2586 janë klasifikuar si vepra penale, ndërsa 1579 si kundërvajtje dhe raste të natyrave tjera.
Teksa krahasuar me vitin 2021, numri i përgjithshëm i rasteve të raportuara në Polici ka shënuar rënie për 6.3 për qind.
“Gjatë viti 2022 në Regjionin e Gjakovës nuk ka pasur asnjë rast të vrasjes;
Numri i lëndimeve të rënda trupore ka shënuar rënie, nga 30 në 20 raste, ose rënie për 33.3%;
Numri i vjedhjeve ka shënuar rënie, nga 424 në 306, ose rënie për 27.8%;
Numri i vjedhjeve të rënda ka shënuar rënie, nga 301 në 204, ose rënie për 32.2%;
Numri i grabitjeve po ashtu ka shënuar rënie, nga 9 në 4 raste, ose rënie për 55.6%.
Numri i rasteve të dhunës në familje ka shënuar rritje, nga 257 në 301 raste, apo ngitje për 17.1%”, thuhet në njoftim.
Kurse sa i përket arrestimeve për vepra të ndryshme kriminale në këtë qytet, bëhet e ditur se janë arrestuar gjithsej 1728 persona.
Kjo sipas Policisë, krahasuar me vitin 2021 është ngritur për 3.13 për qind.
“Për shkak të dyshimeve në përfshirje në vepra të ndryshme kriminale, gjatë vitit 2022 janë arrestuar 1728 persona, që në raport me vitin 2021 është shënuar ngritje për 3.13%. Po ashtu, janë realizuar 1508 urdhëresa të Gjykatave gjatë vitit 2022. Në operacione të ndryshme policore, janë konfiskuar 120 armë zjarri dhe 1603 copë municion të kalibrave të ndryshëm”, thuhet në njoftim.
Teksa nga lëmi i trafikut rrugor bëhet e ditur se ka pasur ulje në përgjithësi të aksidenteve të trafikut në Regjionin e Gjakovës.
Kjo sipas Policisë, për shkak të hartimit dhe zbatimit të 17 planeve operative të Drejtorisë Rajonale në Gjakovë.
“Aksidentet vetëm me dëme materiale, nga 997 gjatë vitit 2021 në 855 gjatë vitit 2022 (rënie për 14.2%);
Aksidentet me pasoja fatale, nga 12 gjatë vitit 2021 në 11 gjatë vitit 2022 (rënie për 8.3%).
Aksidentet me lëndime, nga 678 gjatë vitit 2021 në 667 gjatë vitit 2022, (rënie për 1.6%).
Gjoba në trafikun rrugor, nga 46994 gjatë vitit 2021 në 61618 gjatë vitit 2022, (ngritje për 31.1%).
Patentë shoferi të konfiskuar si masë mbrojtëse, nga 1011 gjatë vitit 2021 në 1062 gjatë vitit 2022 (ngritje për 5%)”, thuhet tutje./teve1.info./
