Ky është një aktivitet i marrë nga Ministria e Shëndetësisë i paraparë të përfshijë të gjitha komunat, përmes të cilit qytetarët mund të imunizohen ndaj gripit sezonal dhe COVID-19.
Por pavarësisht kësaj, numri i qytetarëve të interesuar në Komunën e Deçanit ishte i vogël.
Megjithatë, qytetarët që u vaksinuan, përderisa renditën arsyet, u bënë apel edhe të tjerëve të imunizohen.
E statistikat e përgjithshme, të vaksinimit në një përgjigje elektronike i ka treguar Ministria e Shëndetësisë.
“Është një interesim i mire, deri tash janë shpërndarë 83. 000 doza te vaksinës kundër Gripit sezonal, ndërsa numri i dozave të dhëna te vaksinës kundër COVID-19 është afër 1. 9 milionë doza”, thuhet në përgjigjen e Ministrisë.
Për rëndësinë e vaksinimit ka folur infektologia Albina Ponosheci. Ajo thotë se marrja e këtyre vaksinave është e domosdoshme.
“Karvani i Vaksinimit” ka filluar në dhjetor të vitit 2022, dhe pritet të përfundoi në janar të këtij viti.
Kronika e gazetares Valëza Sylejmani.
