Presidentja Osmani, ka theksuar se Kosova llogarit në mbështetjen e Maqedonisë së Veriut për rrugën e saj euro-atlantike, përfshirë këtu edhe procesin e anëtarësimit në organizata ndërkombëtare.
Madje sipas saj, shqiptarët e Maqedonisë së Veriut janë urë lidhëse për raportet e mira ndërshtetërore.
“Sipas Presidentes Osmani, Kosova llogaritë në mbështetjen e Maqedonisë së Veriut ndaj Kosovës në rrugën e saj euroatlantike, sikurse edhe në procesin e anëtarësimit në organizata ndërkombëtare. Presidentja Osmani ka theksuar se Kosova ka marrëdhënie miqësore me Maqedoninë e Veriut dhe se synohet që ato të intensifikohen edhe më tej.Sipas Presidentes Osmani, shqiptarët e Maqedonisë së Veriut janë urë lidhëse për raportet e mira ndërshtetërore”, thuhet në njoftimin e Presidencës së Republikës së Kosovës.
Njëherit, Osmani ka folur edhe për zhvillimet aktuale politike dhe të sigurisë në vend, teksa ka potencuar se institucionet e Kosovës janë të përkushtuara dhe të angazhuara për paqe e siguri, përcjellë teve1.info.
“Përfundimi sa më i shpejtë i autostradës, në pjesën e Maqedonisë së Veriut që e lidhë me Kosovën, si dhe realizimi i projekteve të tjera infrastrukturore, sipas Presidentes Osmani do të ndihmojë në lehtësimin e lëvizjes së qytetarëve dhe mallrave”, thuhet tutje në njoftimin e tyre./teve1.info/.
