Barcelona ndihet rehat e vetme në krye të tabelës, pasi të dielën mbrëma në Madrid, e mposhti Atletico Madridin me shifra 1:0.
Ekipi blaugranas fitoi me golin e vetëm që e shënoi Ousmane Dembele. Ai realizoi për tri pikë në minutën e 22-të, pas një aksioni të bukur.
Ndeshja i takoi xhiros së 16-të të La Ligas spanjolle. Fare në fund, Atletico ishte pranë golit të barazimit, kur topi u largua nga vija e portës pas goditjes së Antoine Griezmannit.
Barça tani udhëheq e vetme në tabelë. I ka 41 pikë, tri më shumë se Real Madridi që është i dyti. Atletico Madridi është në vendin e pestë me 27 pikë.
