Rafel Leao me të ardhme në pikëpyetje, pasi rinovimi i kontratës është kthyer në një çështje te Milani, derisa sulmuesi është në radarin e shumë skuadrave europiane.
Listës së garës për yllin portugez i është bashkuar edhe Bayern Munich. Kampionët e Gjermanisë dëshirojë të përforcojnë repartin e avancuar me një lojtar të talentuar, i cili ka shpalosur të gjithë vlerat e tij në Seria A, teksa drejtuesit po mendojnë të sakrifikojnë Comanin për të bindur Milanin.
“Bavarezët” janë të gatshëm të ofrojnë një shkëmbim Coman-Leao, duke marrë parasysh që kontrata e portugezit skadon në verën e vitit 2024, dhe praktikisht klubi italian do të gjente menjëherë zëvendësuesin e Leaos.
Francezi Coman, vetëm një vit më parë rinovoi me bavarezët deri në vitin 2027, por largimi i tij për t’i hapur rrugë Leaos është mundësi konkrete. Situata në Gjermani është mjaftë e qartë, vera e vitit 2023 prite të jetë e zjarrtë me Leaon dhe Coman në qendër të vëmendjes për shkak të një shkëmbimi të mundshëm.
Megjithatë drejtuesit e kuqezinjve nuk mendojnë asnjë hipotezë për Leao dhe i vetmi objektiv është rinovimi i kontratës me portugezin.
Lojtari më i mirë në Seria A, kërkohet me ngulm edhe nga Man City, ku njëjtë si Bayern Munchen, edhe drejtuesit e klubit anglez janë të gatshëm të sakrifikojnë një nga yjet si Jack Grealish për të mbërritur tek ai.
