Espanyol-Girona kanë ndarë pikët në takimin e raundit të 17-të të La Liga. Të dyja skuadrat tentuan në disa rast të gjenin rrugën drejt rrjetës, me një dominim të dukshëm të miqve, ndonëse rezultat në fund nuk “foli” për asnjërën prej tyre, pasi takimi u mbyll me barazimin 2-2.
Ishte Girona ajo e cila gjeti e para rrugën drejt rrjetës, me Villa që zhbllokoi sfidën në minutën e 32’. Në pjesën dytë Espanyol u tregua më kërkues, duke barazuar në minutën e 51’ me Puado, teksa Joselu shënoi golin e dytë për vendasit në minutën e 76’.
Miqtë nuk u dorëzuan dhe në minutën e 85’ Herrera barazoi dhe njëkohësisht siguroi që ekipi i tij të dilte me të paktën një pikë nga “RCDE Stadium”.
Pas kësaj jave Espanyol vuan në vend të 18-të me 14 pikë, teksa Girona renditet momentalisht në vend të 12-të me 18 pikë.
