Sipas Haxhiut, për tre vitet e ardhshme është paraparë zbatimi i 182 veprimeve specifike që përmban Plani e të cilat siç tha ajo, rrjedhin nga identifikimi i problemeve e sfidave, dhe nevojave konkrete të Ministrisë së Drejtësisë.
Teksa theksoi se përmes këtij plani synohen rezultate konkrete të MD-së.
“Përmes Planit Zhvillimor Strategjik synohen rezultate konkrete të Ministrisë së Drejtësisë si: ngritje e kapaciteteve profesionale, digjitalizimi i Ministrisë, ngritje e efikasitetit të agjencive ekzekutive të MD-së si dhe Ministri afër publikut.Plani si i tillë, është hartuar me kujdesin e duhur profesional, duke përfshirë identifikimin e problemeve dhe sfidave qoftë nga ekspertiza e jashtme e ofruar për Ministrinë përmes raporteve dhe analizave të ndryshme, por gjithashtu edhe të dhënave e propozimeve nga burimet e brendshme përmes takimeve dhe konsultimeve relevante”, tha ajo.
Haxhiu falënderoi ekipin profesional për punën dhe përkushtimin në finalizimin e këtij plani./teve1.info./
