I ftuar në emisionin “InfoNata”, Kadriu tha se pavarësisht suksesit të treguar gjatë vitit 2022, sipas tij, ka pasur edhe shumë sfida.
“Ka qenë një vit i suksesshëm pa marrë parasysh sfidave. Së pari kishim transferin e inspektorëve mundësimin e tyre që të jenë të gatshëm të punojnë, pengesa ende me infrastrukturë, me logistikë e këto gjëra. Mirëpo i kemi shtyrë që të barabart me inspektorët që i kishim më herët të fillojnë ti realizojnë kontrollet zyrtare dhe të vazhdojnë punën e tyre. Sfidë tjetër ishte ndryshimi i Ligjit të ushqimit, për arsye se një seri aktesh tjera tash duhet të ndryshohen, plotësohen. Kjo nuk paraqet pengesë në realizimin e punëve, mirëpo kërkon punë shtesë gjatë përpilimit të vendimeve të proces verbaleve, dmth pjesës ligjore e administrative”, tha ai.
Kurse sa i përket planeve të AUV-it, për vitin 2023, Kadriu tha se këto ditë do të publikohet plani i kontrolleve zyrtare.
“Këto ditë besoj nesër do të publikohet edhe plani i kontrolleve zyrtare, me të cilin ne e parashohim se sa kontrolle do ti kemi, ku do ti bëjmë ato kontrolla… bazohemi në vlerësimin e rrezikut ky është një koncept i qëndrueshëm internacional”, shtoi ai./teve1.info./
