Zjarri shpërtheu rreth orës 23:30 të së mërkurës mbrëma (me orën lokale) në hotelin dhe kazinonë Grand Diamond City.
Të plagosurit u dërguan në spitalet në provincën fqinje tajlandeze Sa Keo, tha një burim i afërt me ministrinë e jashtme të Tajlandës.
Ndërkohë Tajlanda fqinje ka ofruar ndihmë me zjarrfikës për të asistuar luftimin e flakëve në rajonin kufitar.
Njerëzit e bllokuar nga zjarri në hotelin Grand Diamond City në qytetin kufitar të Poipet u panë teksa hidheshin nga dritarja për tu shpëtuar flakëve.
Zjarri filloi mesnatën e së mërkurës për të vazhduar edhe mëngjesin e së enjtes.
Gjeneralmajor Sithi Loh, bëri të ditur numrin e viktimave dhe të plagosurve në mesin e të cilëve kishte edhe në gjendje kritike.
Ai shprehu se shkaqet e zjarrit ende nuk janë bërë të ditura. Hoteli kishte 400 njerëz të punësuar.
Derisa u raportua se 50 tajlandez, staf sikurse dhe klientë, u bllokuan brenda kompleksit.
Pesë kamionë zjarri dhe 10 furgona shpëtimi u dërguan për të ndihmuar atje.
Për më tepër reparti i urgjencës së Spitalit tajlandez tejkaloi kapacitetin me të plagosur, viktimat e mbetura u dërguan në spitale të tjera për mjekim.
Poipet në Kamboxhia perëndimore është përballë qytetit më të pasur tajlandez, me tregti dhe turizëm të ngarkuar ndërkufitar./Tëvë1/
