Në gjë të tillë e kanë paralajmëruar presidentja e Kosovës, Vjosa Osmani dhe zëvendëskryeministri Besnik Bislimi.
Edhe përfaqësues të shtetit të Serbisë kanë thënë se barrikadat do të hiqen. Krejt këto zhvillime për largimin e tyre vijnë, pas Gjykata Themelore në Prishtinë ka pranuar kërkesën e Prokurorisë Speciale të Kosovës, që ish-policit serb Dejan Pantiq, masa e paraburgimit t’i zëvendësohet me arrest shtëpiak, shkruan teve1.info.
Por, kundër këtij vendimi është shprehur kryeministri i Kosovës, Albin Kurti dhe shumë disa ministra.
Pantiq ishte arrestuar nga Policia e Kosovës më 10 dhjetor i dyshuar për vepër terroriste. Ai dyshohet se për sulm ndaj zyrave të KKZ-ve në veri por edhe ndaj Policisë së Kosovës.
Pas arrestimit të tij në shenjë proteste grupe serbe vendosë barrikada në veri, ku u pamundësua lëvizja e lirë e qytetarëve. Poashtu gjatë kësaj kohe pati sulme edhe ndaj EULEX-it, KFOR-it por edhe ndaj ekipeve të medieve kosovare.
Për shkak të këtyre barrikadave janë bllokuar edhe tri pik kalime kufitare, ajo në Jarinjë dhe Bërnjakë si dhe Merdarë, kjo e fundit është mbyllur të martën në mbrëmje pas vendosjes së barrikadave nga serbët në pjesën e territorit të Serbisë.