Policia thotë se barrikada është vendosur afërsisht në kilometrin e dytë në territorin e Serbisë, nga pika kufitare “Merdare” e cila për shkak të kësaj bllokade është mbyllur për qarkullim.
Policia thotë se një veprim i tillë i kundërligjshëm ka pamundësuar lëvizjen e lirë të mallrave dhe qytetarëve, andaj ka ftuar qytetarët të shfrytëzojnë pikat tjera kufitare, më përjashtim të Jarinjës, Bërnjakut dhe Merdarës.
“Një bllokim i tillë i kundërligjshëm ka pamundësuar lëvizjen dhe qarkullimin e lirë të njerëzve dhe mallrave, andaj ftojmë qytetarët dhe bashkatdhetarët tanë që të shfrytëzojnë pikat e tjera kufitare për qarkullim, duke përjashtuar pikat kufitare “Jarinje”, ”Bernjak” dhe “Merdare”, deri në njoftimin e radhës”, thuhet në komunikatë.