Madje, Ibishi tha se presidenti i Serbisë, Aleksandar Vuçiq përmes luftës hibride po tenton të nxisë keqësim të situatës mes të dyja shteteve.
“Tash pas dy vendosjes së barrikadave të reja ndërmerret pas takimit që mbajtën autoritetet, komandanti i KFOR-it me shefin e EULEX-it dhe me kryeministrin Kurti. Pra rezulton që është e domosdoshme të hiqen barrikadat. Ata po e sfidojnë sistemin e sigurisë në Kosovë, çdo herë duke i zbatuar urdhrat e Vuçiqit. Mirëpo, realiteti është që Vuçiq çdo herë do mundohet që me sistemin e luftës hibride, të vijnë deri te një tensionim i situatës mes Kosovës e Serbisë”, deklaroi Ibishi në emisionin “Ditari” në Tëvë1.
Ndërsa, i pyetur se a është e gjatë kjo pritje prej 18 ditësh që serbët lokalë t’i largojnë vetë barrikadat nga veriu, Ibishi tha se një situatë të tillë veçse e ka parashikuar.
Dy barrikada më shumë sot janë vendosur në veri të Ibrit në Mitrovicë. Kamionët janë vendosur tek udhëkryqi i Shkollës Teknike, por edhe nga pjesa e Lagjes së Boshnjakeve./teve1.info/.
