Sipas Policisë këto dyshime janë dhënë nga mjeku kujdestar i QMF-së në Bordosan, pas ekzaminimit fillestar.
Trupi i saj me urdhër të Prokurorit kujdesta është dërguar në Institutin e Mjekësisë Ligjore për ekzaminim nga mjekët specialistë për të konstatuar shkakun e vdekjes.
“Në ora 12:30, mjeku kujdestar I QMF Brodosan, pas kontrollit dhe ekzamenit fillestar në vendin e ngjarjes ka vërejtur se ne trupin e se ndjerës ka dyshime se ka shenja të dhunës. Me qëllim që të sqarimit të shkaktarit të vdekjes nga policia është hap rast ‘Vdekje e dyshimtë’”, thuhet në komunikatën e PK-së, raporton teve1.info.
Policia ka njoftuar se sipas të dhënave për këtë viktimë ka qene i hapur vetëm 1(një) rast i “Dhunës në familje” me date 08.11.2022 dhe ky rast është proceduar në prokurori, raste tjera nuk ka pasur.
“Ashtu siç pohohet në kallëzimin penal të këtij rasti, dhuna e shkaktuar ndaj viktimës në atë kohe ka qene në forme të dhunës psikike apo moskujdesit të duhur ndaj personit me nevoja te veçanta.Për këtë rast nuk ka pasur urdhër mbrojtës , sipas familjareve viktima ka pasur problem te shumta shëndetësore ( nuk ka qene në gjendje të kujdeset për vete, nuk ka mundur të lëvizë as për nevoja bazike dhe fiziologjike )”, sqaron Policia.
Poashtu bëhet e ditur se ndjera nuk ka pasur familje te ngushte, nuk ka pasur fëmijë, ka qene e martuar për 15 vite por pas vdekjes se bashkëshortit është kthyer në familjen e vëllait për te jetuar.
Pas vdekjes se vëllait për të janë kujdesuar kunata ( gruaja e vëllait) dhe nipi.