Kjo është forma që edhe të hënën protestuesit serbë në veri të Kosovës, e vazhduan protestën e tyre.
Por, e qetë si e hëna nuk ishte e diela mbrëma.
Kjo pasi në afërsi të KFOR-it protestuesit serbë, përdorën edhe armët.
Se kishte të shtëna në afërsi të patrullës së KFOR-it, e kanë konfirmuar edhe vet këta të fundit.
Nga KFOR po ashtu thanë se kanë shtuar prezencën në veri në muajt e fundit dhe se zgjidhjet duhet të kërkohen përmes dialogut.
Ndërkohë situatë e qetë të hënën, ishte edhe në drejtim të pikës tjetër kufitare.
Por, edhe rruga drejt saj ishte e barrikaduar qysh në fshatin Çabër.
Ndërsa serbët lokalë po vazhdojnë të lëvizin në rrugët alternative.
Ditë më parë sulme me shok-bomba pati edhe në drejtim të një patrulle të EULEX-it.
Ndërsa më keq e pësoi ky pjesëtar i Policisë së Kosovës, i cili u plagos nga personat e maskuar që kanë ngritur barrikadat.
Kronika e gazetarit Fidan Zejnullahu.
