Më tej Avdyli ka shkruar se tani shëndetësia ka adresë politike.
Avdyli ka deklaruar se përgjegjësia për të avancuar reformimin e sistemit tonë dhe rritjen e cilësisë së shërbimeve shëndetësore është e të gjithëve akterëve kudo që janë.
“E mirëpres lajmin për emërimin Arben Vitia si ministër të Shëndetësisë. Tani shëndetësia ka adresë politike. Por suksesi në reformimin e sistemit, e rritjen e cilësisë së shërbimeve , mbetet përgjegjësi e të gjitha hallkave e akterëve kudo që janë, qofshin menaxherë, OJQ, ekspertë, politikanë në pozitë, bile edhe atyre në opozitë. Si ne të kaluarën, edhe tash, ne do jemi bashkë për të avancuar reformimin e sistemit tonë të brishtë shëndetësor”, ka shkruar Avdyli.
Sot kryeministri i Kosovës, Albin Kurti ka emëruar Arben Vitinë në pozitën e ministrit të Shëndetësisë.
Vitia ka qenë edhe më parë në krye të kësaj ministrie në Qeverinë Kurti I dhe II, por kishte dhënë dorëheqje pasi kandidimit për kryetar të Prishtinës.
Ndryshe, Kosova nuk ka pasur ministër të Shëndetësisë që nga 6 tetori i këtij viti, që prej largimit të Rifat Latifit nga kjo detyrë./teve1.info/
