Ai duke komentuar deklaratën e kryeministres së Serbisë, ka thënë se nuk ka të drejtë të përdorë njerëzit që janë në listën e pagave të shtetit serb për të destabilizuar një shtet fqinj.
“Askush nuk dyshon në të drejtën e serbëve në Kosovë për të protestuar në mënyrë paqësore, por nuk ka të drejtë të bllokojë rrugët, të sulmojë policinë dhe të rrezikojë sigurinë publike. Dhe nuk ka të drejtë si kryeministre e Serbisë të përdorë njerëzit në listën e pagave të shtetit të saj për të destabilizuar një shtet fqinj”, ka shkruar ai në Twtter, raporton teve1.info.
Të enjten qindra serbë kanë protestuar në Rudarë, ku kanë kërkuar lirimin e policit të arrestuar.
Vendosja e barrikadave në veri ka hyrë në ditën 17-të. Ato janë vendosur pas arrestimit të ish-policit Dejan Pantiq i cili akuzohet se ka kryer sulme ndaj zyrës së KKZ-së në veri të Mitrovicës dhe Policisë së Kosovës.
Ati i është caktuar 30 ditë paraburgim.
Kryeministri i Kosovës, Albin Kurti ka thënë se barrikadat në veri nuk mund të tolerohen në pafundësi. Ai ka paralajmëruar një takim me komandantin e KFOR-it pas Krishtlindjeve.
KFOR-i në fillim të vendosjes së barrikadave siç ka thënë kryeministri Kurti kishte kërkuar pak kohë për largimin e tyre.
Dear @anabrnabic: no one doubts the right of Serbs in Kosovo to protest peacefully, but there is no right to block roads, attack police, and imperil public safety. And there is no right as PM of Serbia to use people on your state's payroll to destabilize a neighboring state. https://t.co/EwoMnjhNk2
— peacefare.net (@DanielSerwer) December 25, 2022
