Në një lidhje direkte në “Ditari” në Tëvë 1, Korenica bëri të ditur se në takimin që patën me presidentin turk, Recep Tayyip Erdogan, ndër të tjerash u ritheksua edhe miqësia ndërmjet të dyja shteteve.
Siç bëri të ditur ai, në këtë takim Erdogan ka thënë se do i qëndrojnë popullit të Kosovës përkrah për çkado që është nevoja.
“Megjithatë është ritheksuar edhe njëherë miqësia e të dyja shteteve tona, gatishmëria e presidentit Erdogan dhe popullit turk që t’ju bie në ndihmë Kosovës në fusha të ndryshme dhe në takim që e kishim me të ai ka ritheksuar për çfarëdo nevoja të ketë Kosova, populli turk do të jetë përkrah popullit të Kosovës, për shumë arsye, ndër to qe kemi lidhje jashtëzkonisht të forta kulturore”, tha ai.
Korenica potencoi se gjatë kësaj vizite kanë takuar shoqata të ndryshme shqiptare në Stamboll, Këshillin për Marrëdhënie me Jashtë të Stambollit, si dhe Odën Ekonomike në Ankara.
“Kemi pasë takime edhe në parlamentin e madh turk me grupin e miqësisë, pastaj me Komisionin për Punë të Jashtme si dhe me delegacionin e anëtarëve të Kuvendit të madh të Turqisë, i cili përfaqëson veten e tyre në Këshillin e Evropës e më të cilin kemi jashtëzakonisht raporte të mira, e të cilët avokojnë për anëtarësimin e Kosovës në Këshillin e Evropës dhe në organizata të tjera ku ne aplikojmë”, tha ai. /Teve1.info/