Në njoftimin e Policisë thuhet se këto raportimet për një gjë të tillë janë të pavërteta dhe nuk qëndrojnë.
Teksa bëhet e ditur se një autobus është ndaluar gjatë realizimit të detyrave ligjore për kontroll rutinor ku gjatë verifikimit disa nga personat nuk kanë pranuar të legjitimohen nga organet kompetente e që sipas policisë, të njëjtit në mënyrë vullnetare nuk kanë vazhduar tutje.
“Referuar deklarimeve dhe publikimeve të disa mediumeve se gjoja autobusë me protestues të cilët kishin për qëllim shkuarjen në protestën e paraparë të mbahet në Rudarë të Zveqanit, janë penguar nga Policia e Kosovës, janë të pavërteta dhe nuk qëndrojnë. Gjatë realizimit të detyrave dhe autorizimeve ligjore në funksion të garantimit të ligjit dhe sigurisë, një autobus është ndaluar sipas procedurave të kontrollit rutinor dhe gjatë verifikimit të dokumenteve disa persona nuk kanë pranuar të legjitimohen nga autoritetet kompetente, prandaj në mënyrë vullnetare (me vetë dëshirë) nuk kanë vazhduar tutje”, thuhet në njoftim.
Tutje theksohet se protesta ku morrën pjesë rreth 1.500 pjesëmarrës ka përfunduar e qetë pa ndonjë incident./teve1.info./
