Andaj, Bajrami para deputetëve, kërkoi nga kryeministri Albin Kurti dhe ministri i financave, Hekuran Murati, të tregojnë saktë se kur do hyjë ky ligj në fuqi.
“Vlera e pagave në sektorin publik ka rënë dukshëm. Shporta bazë e konsumatorit është shtrenjtuar për rreth 50 përqind. Ligji i pagave në sektorin publik nuk i adreson në tërësi këtë çështje. Ka ngritje të pagave për disa sektorë, ngritje të supozuara. Sepse edhe sot kur po e votojmë projektligjin për Zyrtarët Publik, nuk e dimë ende se cila është vlera monetare e koeficientit. Tani kryeministri i vendit, Albin Kurti dhe ministri i financave, Hekuran Murati, duhet të na tregojnë sot saktë, sepse në qoftë se votohet ky ligj sot, kur do hyjë në fuqi”, u deklarua Bajrami para deputetëve.
Madje sipas saj, për shumë zyrtarë publik, sot është një ditë e mirë, pasi siç tha Bajrami, ata me padurim kanë pritur që ligji i shumë kërkuar të vijë në lexim të dytë në Kuvend./teve1.info/.
