Perimet jeshile (brokoli, spinaqi, lakrat) janë të pasura me vitaminë K, e cila ndrydh efektin antikoagulant të holluesve të gjakut, ndaj ky kombinim nuk rekomandohet fare.
Disa antihipertensivë rrisin nivelin e kaliumit në trup. Nëse kombinohem me banane, e cila është gjithashtu e pasur me kalium, ky kombinim mund të prishë ritmin normal të zemrës ose të shkaktojë palpitacione.
Ushqimet e pasura me fibra bimore, të tilla si arrat, parandalojnë përthithjen e disa medikamenteve të tiroides. Nëse konsumoni sasi të mëdha të këtyre ushqimeve, mund t’ju duhet të rrisni dozën e barnave.
Lëngu i grejpfrutit rrit nivelin e barnave për uljen e kolesterolit në gjak dhe si pasojë është rritja e mundësisë së efekteve anësore si dhimbja e këmbëve. Ju gjithashtu duhet të shmangni konsumimin e këtyre ushqimeve nëse jeni duke marrë ilaçe për presionin e lartë të gjakut, ritmin jonormal të zemrës ose ankthin.
