Për zhvillimet në veri Policia e Kosovës thotë se ata janë në kontakt të vazhdueshëm me institucionet vendore dhe ato ndërkombëtare.
“Ndërsa sa i përket zëvendësimit të këtyre zyrtarëve policorë dhe numrit të zyrtarëve të angazhuar në veri të vendit, përfshirë ata në pikat kufitare, Policia e Kosovës posedon kapacitete të mjaftueshme të burimeve njerëzore dhe logjistike, për realizimin e detyrave policore. Ashtu siç e kemi bërë të ditur, bashkëpunim dhe kontakte të vazhdueshme PK-ja mban edhe me KFOR-in, të cilët me datë 20.12.2022 për shkaqe shëndetësore (kronike) kanë përkrahur transportimin e nëntë (9) zyrtarëve policor nga veriu në jug”, thuhet në përgjigjen e tyre.
Gjithashtu, kanë prononcuar se zyrtarët policorë tanimë janë në gjendje stabile shëndetësore dhe ndodhen në shtëpitë e tyre.
“Policia e Kosovës, Drejtoria për Shërbime Shëndetësore e PK-së është kujdesur për trajtimin mjekësor të tyre, sipas nevojës së zyrtarëve policorë, ku pas trajtimit të nevojshëm të njëjtit janë dërguar në shtëpitë e tyre. Vlen të potencohet se zyrtarët policorë janë në gjendje stabile shëndetësore dhe sipas nevojës Drejtoria e Shërbimeve Shëndetësore do të vazhdojë të kujdeset për ofrimin e përkujdesit mjekësor, përfshirë edhe ofrimin e nevojshëm të medikamenteve mjekësore”, thuhet tutje.
Kujtojmë se nëntë zyrtarëve policorë që kanë qenë të bllokuar në pikat kufitare në Jarinje, janë larguar mbrëmë nga KFOR-i.
Ndërsa, EULEX-i të martën ka dorëzuar furnizime thelbësore për policët e Kosovës në pikën e përbashkët të kalimit në Rudnicë./teve1.info/.
