Svçla përmes një postimi në Facebook ka thënë se ka thënë se persona të armatosur e të maskuar me mbështetje edhe nga Rusia, po përpiqen ta cenojnë sovranitetin e vendit.
“Sot, në anën serbe të pikëkalimit kufitar në Jarinjë, u shfaq një episod i nivelit të lartë të luftës hibride serbo-ruse ndaj Republikës së Kosovës. Të njëjtët aktorë joshtetërorë, por të cilët i përdor edhe regjimi në Beograd edhe ai në Moskë, të përfaqësuar nga Damnjan Knezheviq (bashkëpunëtor i organizatës paramilitare famëkeqe ruse Ëagner), u mësynë që ta thyejnë këtë pikëkalim kufitar. Ditët e fundit, aktorë të tjerë shtetërore e joshtetërorë të këtyre dy vendeve, që janë të vetmet, që nga Lufta e Dyte Boterore, që ndezën luftëra në Evropë, kanë hyrë brenda territorit të Kosovës dhe ende gjenden këtu. Të armatosurit e maskuar dhe të barrikaduar në rrugë, me mbështetjen edhe të qendrës së spiunazhit rus që gjendet në Nish të Serbisë, po përpiqen që ta cenojnë sovranitetin tonë, duke nxitur provokime agresive në mënyrë që ta largojnë vëmendjen nga agresioni në Ukrainë, ku siç po shihet Putini po e humb luftën”, ka shkruar Sveçla, raporton teve1.info.
Ai ka thënë se institucionet e Kosovës do të vazhdojnë të ekspozojnë qëllimin ruso-serb.
“Ne do të vazhdojmë ta ekspozojmë qëllimin ruso-serb, duke ngulur këmbë që mos t’i nënshtrohemi në asnjë mënyrë mashtrimit të madh që po përpiqen t’ia bëjnë Serbia dhe Rusia një pjesë të qytetërimit evropian!”, ka shkruar ministri.
Sveçla ka thënë se Policia e Kosovës është e aftë të përballen me të gjitha grupet kriminale, për të siguruar ambient të qetë për këtë.
“Por, gjithashtu dua të siguroj të gjithë qytetarët tanë se Policia e Kosovës është e aftë dhe ka gjitha kapacitetet e nevojshme te përballet me këto struktura kriminale dhe se ne po bëjmë gjithë vlersimet e nevojshme për mënyrën më efikase dhe kohën e përshtatshme për këtë”, ka shkruar ai.
Dhjetëra serbë kanë marrë pjesë të dielën në një protestë afër pikës kufitare në Jarinjë në territorin e Serbisë.
Ata kishin planifikuar të hynin në territorin e Kosovës, për siç kanë thënë për t’i ndihmuar qytetarët serbë në veri të Kosovës. Protesuesit janë konfortuar edhe me policinë serbe, ndërsa që në territorin e Kosovës, KFOR-i kishte vendosur edhe tela me gjemba për të penguar hyrjen e tyre./teve1.info/