“Vlera e ankesave të pashqyrtuara, sipas vlerës së parashikuar në njoftimin për kontratë e kalon shumën prej 200,000,000 euro”, kanë bërë të ditur nga OSHP-ja për emisionin “De Jure”, i cili po transmetohet në “Tëvë1” dhe “Betimi për Drejtësi”.
Gjatë vitit 2022 janë ndarë mbi 500 milionë euro për projekte kapitale apo projekte të tjera që kalojnë përmes tenderimit publik, ku një pjesë e tyre potencialisht mund të përfundojë në OSHP.
Rëndësia e funksionimit të gjykatës së tenderëve është jashtëzakonisht e madhe për shkak të përgjegjësisë që ka për tenderët publikë, të cilët në rastet kur kontestohen, përfundojnë te ky organ.
OSHP-ja mund të anulojë tenderët dhe mund të ndëshkojë ata që shkelin ligjin e prokurimit publik.
Ata që nuk ndahen të kënaqur me vendimet e OSHP-së mund t’i drejtohen me padi Gjykatës Themelore në Prishtinë, përkatësisht Departamentit për Çështje Administrative.
Për më shumë ndiqeni hulumtimin “Lufta politike” për gjykatën e tenderëve, i cili po transmetohet në “Tëvë1” dhe “Betimi për Drejtësi”./Tëvë1/
