Ai ka thënë se sot janë mbledhur me krenari e përkushtim.
Konjufca deklaroi se ky është hapi i parë zyrtar në rrugën e anëtarësimit të Kosovës drejt Bashkimit Evropian, teksa tha se kjo rrugë ishte e gjatë dhe aspak e lehtë, raporton teve1.info
Konjufca theksoi se Kosova e meriton që të bëhet vend kandidat në Bashkimin Evropian.
“Ky është hapi i parë zyrtar në rrugën e anëtarësimit të Kosovës drejt BE-së. Një rrugë që ishte e gjatë dhe aspak e lehtë. Ne e meritojmë të bëhemi vend kandidat dhe ta fillojmë rrugëtimin tonë drejt hapjes së negociatave për anëtarësim në BE, fazë që synojmë ta arrijmë në një kohë sa më shpejtë të mundshme”, tha ai.
Tutje Konfujca tha se aplikimi i Kosovës për anëtarësim në BE për Kosovën dhe të gjithë rajonin është i rëndësisë së veçant sepse sipas tij, Bashkimi Evropian ofron stabilitet, demokraci, e siguri etj.
“Për Kosovën dhe gjithë rajonin, anëtarësimi në këtë union është i rëndësisë së veçant sepse BE ofron stabilitet, demokraci, siguri, prosperitet zhvillimor ku respektimi i të drejtave të njeriut, barazia, konkurrenca e ndershme dhe lëvizja e lirë e njerëzve dhe e punëtorëve e mallërave e shërbimeve dhe kapitalit janë në thelbin e saj”, tha Konjufca./teve1.info
