Kryeministri u shpreh i bindur se Kosova, krahasuar me shtetet e rajonit në kohën kur ato kanë aplikuar është më e përgatitur me legjislacion.
Por më skeptik shprehet publicisti nga Brukseli, Toby Vogel.
Megjithatë, ai për tëvë1 thotë se Kosova ka bërë një hap të rëndësishëm simbolik pavarësisht vendimit final.
“Aplikimi për anëtarësim në Bashkimin Evropian është një hap simbolik shumë i rëndësishëm për Kosovën. Këshilli për Çështje të Përgjithshme i BE-së ka miratuar dhënien e statusit të vendit kandidat për Bosnjë e Hercegovinën. Tani mbetet vetëm Kosova nga vendet e Ballkanit Perëndimor që e pret këtë status. Normalisht që rruga drejt BE-së për Kosovën është më sfiduese për shkak se janë 5 shtete që ende nuk e kanë njohur pavarësinë e vendit”, u shpreh ai.
Sipas tij, Kosovën e pret një rrugë tepër e gjatë për t’u bërë anëtare e Bashkimit Evropian edhe në rast se 5 shtetet mosnjohëse brenda bllokut ndryshojnë qëndrim për shtetin më të ri në Evropë.
“Unë mendoj ky proces do të shtyhet për Kosovën për një kohë. Do të ketë më shumë bisedime mes palëve ashtu siç bënë zakonisht Bashkimi Evropian. Edhe nëse ndodhë që nesër Kosova njihet nga të gjitha shtetet e Bashkimit Evropian, rruga për t’u anëtarësuar në bllok do të jetë tepër e gjatë. Kjo nuk ka të bëjë vetëm me Kosovën. E kemi parë se çfarë ka ndodhur deri më tani me Maqedoninë e Veriut”, tha Vogel.
Kosova qëndron më mbrapa krahasuar me vendet e rajonit sa i përket procesit të integrimeve për në Bashkimin Evropian.
Kosova gjithashtu është i vetmi vend në Ballkani Perëndimor që nuk ka liberalizim të vizave.
Kronika e gazetarit Shpat Blakçori.