Nga kjo kanë përfituar edhe mbi 70 mijë biznese.
Këtë e ka bërë të ditur ministrja e Ekonomisë, Artane Rizvanolli, të martën në një konferencë për media.
“Subvencionimi i faturave të Qeverisë që ka nisur nga shkurti deri më tash janë disburusuar në total 57.84 milionë euro ndërsa 7.51 milionë euro pritet të bëhen brenda muajit në vijim. Nga ky subvencion kanë përfituar mbi 467 mijë amvisëri dhe mbi 70 mijë biznes”, ka thënë ajo, raporton teve1.info.
Rizvanolli bërë të ditur se mbështetja e faturave do të vazhdojë.
Ajo tha se konsumi i energjisë për gjatë këtij viti ka shënuar rënie, ndërsa falënderoi qytetarët për kursim të energjisë.
“Konsumi për gjatë këtij viti është ulur, veçanërisht në muajin nëntor tek amvisnit e shohim ulje impresive prej 15 për qind më pak në krahasim me vitin e kaluar. Para rreth një muaji, është vlerësuar se gjatë muajit të dimrit duhet të importohet 20 për qind energji elektrike. 300 milionë euro na duhen për të tejkaluar dimrin. Por si pasojë e kursimeve, parashikimet kanë ndryshuar”, ka thënë ajo.
Rizvanolli tha në dy ditët e fundit është rritur çmimi i energjisë elektrike për 50 euro për megavat në orë, duke thënë se kjo i bie që duhet paguar shumëfish më shumë se sa që paguajmë për faturat.