Ismet Munishi ka numëruar një listë me anë pozitive në fitoren e sotme ndaj Ulpianës. Trajneri i Gjilanit është ndarë i kënaqur me lojën e zhvilluar nga ekipi i tij dhe pret që edhe në ndeshje të tjera të jetë njësoj.
Gjilani fitoi pastër në shtëpi ndaj Ulpianës me rezultat 2:0.
“Nuk ishim të barabartë me kundërshtarët në pjesën e dytë, pasi gjithçka kishim në dorë. Krijuam raste të shumta për gol, rritëm presionin, shpejtësinë, ritmin dhe me meritë arritëm ta fitojmë ndeshjen. Më vjen mirë që shënoi Shend Kelmendi dhe ishte ndër lojtarët më të mirë të ndeshjes. Edhe për Edision Kqikun më erdhi mirë për paraqitjen, pasi ende nuk ke kemi parë Edisonin e vërtetë. Për tjerët mos të flas që janë dëshmuar në çdo ndeshje. Të gjithë kanë treguar lojë të shkëlqyer. Edhe Arion Ymeri ishte i sigurt
Ekipi tregoi siguri dhe kishte siguri në qarkullimin e topit dhe kjo na bën një skuadër kampione. Kam qenë i kënaqur me lojën e bërë, pavarësisht rezultatit. Ne duhet të jemi me konkret në realizimin e golave dhe pres mbështetje me të madhe nga “Skifterat” të cilët i falënderoj që rrinë afër gjithnjë. Shpresoj që edhe derbin ta mbyllim me fitore edhe në duele tjera”, tha Munishi.
Gjilani me këtë fitore ndodhet në vendin e dytë me 46 pikë, dy me pak se Ballkani në vendin e parë. Kuqebardhët në mesjavë do të luajnë ndaj Dritës. Ulpiana me këtë humbje zbret në vendin e parafundit me 22 pikë.
/Tëvë1/
