Përmes një postimi në Facebook, ai thotë se kjo po ndodh pasi që Kurti ka refuzuar këshillat e Shteteve të Bashkuara të Amerikës për shtyrje të ekzekutimit të vendimit për targat ilegale.
Sipas tij, Kosova është shndërruar edhe në fajtor për gjendjen e krijuar në veri dhe Kurti nuk mund të amnistohet për këtë.
“Kosova assesi nuk guxon të lejojë që bandat dhe krimi ta marrë kontrollin në veri. Por është e domosdoshme që Kosova njëkohësisht t’i gjykojë drejt edhe veprimet e veta dhe të institucioneve të saj. Përfundimisht, kryeministri Kurti duke refuzuar ta ndjekë rrugën amerikane, është duke u shërbyer interesave ruse dhe serbe për destabilizimin e veriut dhe të rajonit”, ka shkruar Haradinaj.
Madje, ai thotë se pas sanimit të pasojave nga kjo gjendje e krijuar secili që ka qenë i përfshirë në akte kriminale në veri do të marrë ndëshkimin e merituar.