Përmes një komunikate për media MSH-ja ka njoftuar se ka synim që në një të ardhme, secila komuna e Kosovës të përfshihet në vizitat shtëpiake.
“Pas suksesit të këtij programi në 25 komunat përfshira deri më tani, me lanisimin e vizitave shtëpiake në katër komuna të tjera, Prishtinë, Podujevë, Novobërdë dhe Mamushë, ne dëshmojmë seriozitetin e këtij programi që falë bashkëpunimit të mirë në mes Ministrisë së Shëndetësisë, Kujdesit Parësor Shëndetësor, UNICEF_it dhe partnerëvë të tjerë është bërë shëmbull se si duke punuar së bashku mund ta ndihmojmë shëndetin e kategorisë më të ndjeshme dhe më të rëndësishme të popullatës sonë: nënave dhe fëmijëve”, thuhet në njoftim.
Po ashtu MSH-ja ka bërë të ditur se pritet që këtyre ditëve të miratohet edhe Plani për Sëmundje Ngjitëse.
“Vitin tjetër do ta kemi fokusin në sëmundjet jo-ngjitëse kronike, me qëllim që përmes një qasjeje gjithëpërfshirëse t’u japim përgjigje çështjeve që lidhen drejtpëdrejt me mbrojtjen e shëndetit të popullatës sonë”, thuhet tutje në njoftim.
Ky program që udhëhiqet nga Ministria e Shëndetësisë dhe zbatohet nga institucionet e Kujdesit Parësor Shëndetësor e ri-theksojmë edhe sot, ka për qëllim përmirësimin e shëndetit dhe mirëqenies së fëmijëve 0-3 vjeç, prindërve dhe grave shtatzëna, ku në kuadër të programit realizohen dy vizita për gratë shtatzëna si dhe pesë vizita për fëmijët 0-3 vjeç”, thuhet në njoftim.