Mëngjesi i kësaj dite raportohet të jetë i qetë.
Ndërsa, siç raporton Rel në hyrje të barrikadës është vendosur edhe një shirit me ngjyrë të kuqe dhe të bardhë, për të bllokuar kalimin në anën tjetër të barrikadës.
Të dielën ShBA dhe Britania e Madhe kanë bërë thirrje për heqjen e barrikadave, të cilat u vendosën pas arrestimit të ish-policit serb, Dejan Pantiq, nga autoritetet e rendit në Kosovë.
Ai dyshohet se organizoi “sulm terrorist” në zyrat e Komisionit Qendror të Zgjedhjeve në veri të Kosovës.
Kryeministri i Kosovës, Albin Kurti ka thënë se nga “KFOR-i është kërkuar edhe pak kohë për heqjen e barrikadave dhe ne po i presim”.
Në veri të Mitrovicës situata ka qenë e tensionuar, ku përveç disa shpërthimeve me shok- bombë në lagje të ndryshme, ka pasur sulme me armë zjarri edhe ndaj Policisë së Kosovës në dy raste, ku një polic është plagosur lehtë.
Edhe patrulla e EULEX-it është sulmuar me shok-bombë./teve.info/