Përmes një komunikate, Rakiq ka kërkuar që ish-polici serb që u arrestua të lirohet sepse sipas tij është arrestuar “me akuza të montuara”.
“Ne të gjithë kemi nevojë për paqe dhe dialog të vazhdueshëm për t’u dhënë hapësirë negociatorëve që do të arrinin zgjidhjen e kësaj situate me dialog dhe jo me lëvizje të njëanshme. Në këtë kuptim, ne dëshirojmë që bashkëqytetarët tanë të arrestuar të lirohen, sepse të gjithë e dinë se këto janë akuza të montuara, por gjithashtu kërkojmë që të parandalohet çdo ndërhyrje e policisë së Kosovës apo e njësive të tjera në veri të Kosovës”, thuhet ndër tjerash në njoftim.
Po ashtu, ai u ka bërë thirrje qytetarëve të mundësojnë lëvizjen e KFOR-it dhe EULEX-it sepse prania e tyre është në përputhje me marrëveshjet ndërkombëtare.