Këtë vendim KQZ e ka marrë pas vendimit të Presidentes së Kosovës, Vjosa Osmani, për shtyrjen e zgjedhjeve në veri të vendit, shkrun teve1.info.
Në lidhje me këtë, zëdhënësi i KQZ-së, Valmir Elezi ka bërë të ditur për Tëvë1 se pas këtij vendimi, do të pezullohen të gjitha aktivitetet e planifikuara.
“Pas vendimit të Presidentes së Republikës për shtyrjen e zgjedhjeve dhe caktimin e datës së re për mbajtjen e tyre, Komisioni Qendror i Zgjedhjeve ka marrë vendim për pezullimin e të gjitha aktiviteteve të planifikuara më herët për përgatitjen e zgjedhjeve të datës 18 dhe 25 dhjetor”, ka thënë ai.
Tutje, ai është shprehur se KQZ-ja u dakordua për hartimin e një plani të ri operacional për organizimin e zgjedhjeve të cilat janë caktuar të mbahen më 23 prill të vitit 2023.
