Ai përmes një postimi në instagram ka ripërsëritur thirrjen që të krijohet Asociacioni i komunave me shumicë serbe, duke thënë se vetëm kështu mund të fillojë normalizimi i marrëdhënieve, përcjellë teve1.info.
“Nuk ka dhe nuk do të ketë dorëzim, ky është vendimi i Serbisë dhe mesazhi im për njerëzit tanë në Kosovë, të cilët edhe një herë janë të detyruar të mbrojnë shtëpitë e tyre duke ngritur barrikada. Mesazhi për të gjithë të tjerët është që të formohet Asociacioni, të respektohen të drejtat dhe liritë e serbëve dhe të Serbisë dhe të sillen në përputhje me marrëveshjet e nënshkruara dhe të drejtën ndërkombëtare, sepse kjo është e vetmja mënyrë për të filluar normalizimin e marrëdhënieve dhe jetës së të gjithëve nga ne”, ka shkruar Vuçiq.
“Ne vazhdojmë luftën me të gjitha mjetet ligjore për paqen, për një jetë më të mirë dhe të ardhmen e fëmijëve tanë. Serbia do të fitojë!”, ka shtuar ai.
