Fokus kryesor i kësaj kampanje ishte që qytetarët të informohen me rëndësinë e të qenit të regjistruar si punëtor.
“Kampanja në fjalë është realizuar në qytete të ndryshme, ku fokusi kryesor ishte që qytetarët të njoftohen me rendësin e të qenit të regjistruar si punëtor, si dhe përfitimet nga formalizmi. Po ashtu, gjatë këtyre takimeve i është dhënë theks i veçantë zhvillimit të dialogut social, si faktor shumë i rëndësishëm në këtë segment. Veç tjerash, pjesëmarrësit u njoftuan edhe me mekanizmat që kanë në dispozicion nga ana e ATK-së për të raportuar rastet kur ata dyshojnë se nuk janë të regjistruar, konkretisht ata u njoftuan me veglën për verifikim të punëtoreve https://apps.atk-ks.org/regemployer si dhe linjën për raportim 0800 80 800”, thuhet në komunikatë.
Gjithashtu, bëhet e ditur se gjatë këtyre diskutimeve, pjesëmarrësit kanë ngritur shqetësimet e tyre kryesisht me pjesën e mos regjistrimit, mos respektimin e kushteve, punësimin e të rinjve nën moshën e lejuar me ligj, e disa të tjera.
Ndërsa, ATK është duke implementuar projektin për Formalizmin e Punësimit nga viti 2021, ndërsa fushata është realizuar në kuadër të projektit “Drejt drejtësisë dhe barazisë sociale” përmes Human Rightivism, që mbështetet nga ambasada e Suedisë në Kosovës nëpërmjet Fondit për Zhvillim Komunitar-CDF./teve1.info/.
